മുഖം - മൂടി

മുഖം മൂടി വില്‍പ്പനക്കാരന്‍ എന്നോട് പറഞ്ഞു:

സാറിനും വേണ്ടേ ഒരു മുഖം?

മുഖം മൂടിയില്ലാത്ത ഈ മുഖം

എന്തൊരവലക്ഷണമാണ്

ഇതാ പുതിയ മുഖം മൂടികള്‍

ഞാന്‍ കൊണ്ടുവന്നിട്ടുണ്ട്

ഈ മുഖംമൂടികള്‍ വച്ചവര്‍ക്കെല്ലാം

അവാര്‍ഡുകള്‍ കിട്ടിയിട്ടുണ്ട്

അവാര്‍ഡ് കിട്ടിയാല്‍

ചത്തുകിടക്കുമ്പം പൊലീസുകാര്‍ വന്ന്

മാനത്തോട്ട് വെടിവയ്ക്കും

എന്താ ഒന്നെടുക്കട്ടെ

വില അല്‍പ്പം കൂടും

ഈ മുഖം മൂടിക്ക്